المساعد الشخصي الرقمي

مشاهدة النسخة كاملة : طريقه عمل صابون طبيعي 100%


Eng.Jordan
07-09-2013, 10:32 AM
هالموضوع مخصص لكل الي حابين يتعلمون يسوون صابون من دون اي اضافات من برااا
الي اقصده مو تجيبين صابونه من السوق وتذوبيها وتضيفين عليها
لا انت تسوين الموضوع من طئ طئ لحد السلام عليكم
 
طبعا صارلي كم يوم ادور بمواقع امريكيه وسويديه عن طرق عمل الصابون ووصفاته
ولكيت هوووايه فيديوهات ووصفات ومواضيع تخص هالشي
مثل متعرفون انو زاكه العلم التعليم واني ماحب اضم شي ممكن يفيد احد منكم ابد
اساسا هالشي صار صناعه وتجاره اني عامه منزل الموضوع للفائده الشخصيه وللمتاجرة يعني للتاجرات الي حابين يتميزون ويسوون صابونات خاصه وبطريقه عمل الصابون الاصليه
يعني اي شي يجي ببالج شيا كاكاو قهوة زنجبيل حليب عسل كللللل شي واي شي

ندخل بالموضوع
نتاج بحثي كان كالتالي
شنو متكون الخلطه او الوصفه ونوع الصابونه الي تريدين تسويها
تحتاجين ماده
lye
بالسويدي lut
بصراحه دورت هوايه على اسمه العربي وبالاخير طلع اسمه

هيدروكسيد الصوديوم
مركب كيميائي (http://www.q8yat.com/wiki/%D9%85%D8%B1%D9%83%D8%A8_%D9%83%D9%8A%D9%85%D9%8A% D8%A7%D8%A6%D9%8A) قلوي (http://www.q8yat.com/wiki/%D9%82%D9%84%D9%88%D9%8A) قوي له الصيغة الكيميائية
. يعرف أيضاً بالصودا الكاوية

مثل مامكتوب بويكبيديا
وتلكوه بمحلات خاصه
بصراحه مااعرف شلون ووين تلكوه بالكويت او بالوطن العربي بس اكيد اكيد موجود
يعني احنة عندنا خدمه هنا ويب سايت اكتب بيه اسم المنتج يطلعلي سعره ومن ويم اكدر اشتريه محل او ويب سايت وهيجي
فانتوا تشطروا ودوروا عليه
للامانه يابنات هذا المنتج اذا متعاملتوا وياه بخذر يعتبر خطير جدا
فوقت متستخدموه لازم تلبسون كفوف
ونظارات حمايه
وافضل كمامات تسودن خشمكم وخلككم
يعني تتخيلون الموضوع خبصة بس بالحقيقه ابسط من هيجي بهوايه
لكيت وصفات هووووايه كلش لصابون وفيدويات اكثر
هنا لنك تشوفون شوية من الوصفات (http://www.naturalpuresoap.com/soap-making-recipes)
هي مكتوبه بالابكليزي
كل لنك تدوسوه تلكون الوصفه بالتفاصيل

وهنا كم فيديو تشوفون شلون يتسوا وبطريقتين
طريقه بارده
وطريقه ساخنه

فيديووو (http://www.youtube.com/watch?v=ghvQ4v_Fjrs)

فيديو2 (http://www.youtube.com/watch?v=_EqmC-eltHA)
فيديو 3 (http://www.youtube.com/watch?v=ALNltskGGAY&feature=related)
فيديو 4 (http://www.youtube.com/watch?v=xEmOp-lJYT0&feature=related)
فيديو 5 (http://www.youtube.com/watch?v=Bd3888d8DzM)

مثل متشوفون الموضوع مو كلش معقد ولا صعب بس دقيق يعني الي يشتغلون بيه اشخاص عاديين مثلي ومثلكم
بس اهم شي الحسابات الدقيقه حتى متاذون بشرتكم

بنات ترة الموضوع اني دورت وكتبته يعني ولا منقول ولا شي بحثى الشخصي وكتابتي
فياريت الي حابه تنقله متنسبه غير الي وتذكر المصدر
وتدعيلي الله يفرجها علي وعلى اهلي وزوجي وامه المسلمين
ووو يارب تستفيدون من الموضوع
http://www.q8yat.com/images/ehdaa_smilies/eh_s%287%29.gifاختكم سفاريا