المساعد الشخصي الرقمي

مشاهدة النسخة كاملة : صحيح ارحلي ..


انا !!
11-24-2013, 05:20 PM
مالك ومال احزاني
وخليه جرحك شايله وجداني
صحيح ارحلي..

مالك ومال همومي
ومالك ومال الياس فيه اتعومي
تريدي سهاري ديهن حلقومي
بطعم العسل مش كيف مر لساني
ركاح ورواق وجو بيه اترومي
وانا مجبر بالسواد زماني
صحيح ارحلي..

ارحلي وانسيني
وانسي غلاي وحيرتي وحنيني
خلاص خالفن الاقسام بينك بيني
وصافن زهورك في خريف جناني
صحيح ارحلي..

صحيح خلاص
ولامر كاسي كيف مره كاس
ولا عاد حالي كيف حال الناس
ولا عاد عندي للوجود معاني
صحيح ارحلي..

كنت انريدك
وكانن شموعي اينورن في عيدك
وكانن حروفي زادهن تنهيدك
وكنتي إلهامي وشطرتي واوزاني

صحيح ارحلي..

كنتي كاسي
وكنتي نسايم خاطري واحساسي
وكنتي المناير في الغروب الماسي
وكانن عيونك في الهوى عنواني

صحيح ارحلي..

ما احسبت انهونك
وينسن عيوني شوقهن لعيونك
دنيا غريبة ياغريبة كونك
هيْ فانية واللي عليها فاني

صحيح ارحلي مالك ومال احزاني..

إدريس ،،