المساعد الشخصي الرقمي

مشاهدة النسخة كاملة : لو كان ده جنان اتجنن ^^


صباح الورد
10-27-2014, 01:39 PM
السلام عليكم ورحمة الله وبركاته


‫#‏قرر‬ انك تخلص القران كله ف 3 ايام بس فى غير رمضان حتى لو كنت من اللى مبيقدروش يعملوها اصلا ف رمضان $$
‫#‏روح‬ بوس رجل امك ولو استغربت وسألتك بتعمل ايه !!
قولها ببوس الجنه
#قرر انك تقضِّى ولو يوم واحد بس تتوضى بعد كل مره تفقد فيها وضوئك عشان تبقى دايما على وضوء » زى قصة سيدنا بلال كده ^^
‫#‏اعمل‬ مسابقه بينك انت وصحابك وشوفوا مين اكتر واحد ممكن يصلى على الرسول _صلى الله عليه وسلم_ واسألوا بعض اخر اليوم وشوفوا مين كان اكتر $$ بس عاوزين نسمع ارقام بالالاف كده مش اى كلام :))
‫#‏خصص‬ من وقتك ولو ساعه فى الاسبوع تخدم بيها شخص كبير في السن أو معاق تساعده يجيب مستلزماته أو تقضي له أحتياجاته
# هات كل ارقام قرايبك اللى بقالك كتير مكلمتهمش ومقاطعهم واتصل اسال عليهم وصل الرحم معاهم
‫#‏أتصل‬ بأصحابك صحيهم قبل الفجر علشان يصلوا معاك
# انزل على اي مستشفي حتي لو ناس متعرفهاش زورهم وخد معاك حاجة فرحهم بيها
‫#‏فوت‬ على محل البقالة اللي في الحي عندكم وشوف الناس الفقيرة اللي عليها فلوس سددها عنهم أو حتى جزء منها
‫#‏أدخل‬ المطبخ نظفه وأغسل الأطباق بدل والدتك أو زوجتك أو أختك وأكتب لهم ورقة شكر على تعبهم وعلقها على باب المطبخ
‫#‏خبط‬ على باب جارك وسلم عليه وأعطيه حاجة من الأكل اللي أنتم طبختوه النهاردة .
‫#‏أصحى‬ قبل الفجر بشوية وصلي ركعتين مع الوتر وأنزل صلي الفجر وأستنى في الجامع لحد شروق الشمس
‫#‏لو‬ حد مدين لك بفلوس وأنت عارف أنه ميقدرش يسددها أتصل بيه وقول له مفيش ليه عندك حاجة وأنا مسامحك
‫#‏علم‬ حد أمي القراءة والكتابة
‫#‏خد‬ في ايديك وأنت نازل الصبح زجاجة مياة وأعطيها لعسكري المرور اللي واقف في الحر
‫#‏أنزل‬ أي مستشفى وأتبرع بالدم
‫#‏طلع‬ ملابسك القديمة اللي مش محتاجها وأغسلها وأكويها وخدها في كيس وأعطيها لشخص محتاج أو لجمعية خيرية
‫#‏حط‬ في البلكونة بتاعتك أو الشباك أكل ومياة تطعم بيها طير
‫#‏عدي‬ على أي مطعم كويس وخد في ايديك وجبة طعام للفقير اللي واقف على أول الشارع اللي أنت ساكن فيه
#روح المسجد قبل الصلاة بوقت كفاية ونضف مكان الوضوء ودورات المياة للمصلين .
‫#‏أتطوع‬ في يوم أجازتك في حملة أو جمعية خيرية وأعمل عمل تطوعي تفيد بيه مجتمعك .
‫#‏كل‬ آخر شهر لما تاخد مرتبك أشتري كيس سكر وزجاجة زيت وكيس أرز مع أي خضار وأعطيهم لفقير .***
دمتم بخير