المساعد الشخصي الرقمي

مشاهدة النسخة كاملة : زراعة الفلفل الرومى الملون فى البلكونة


Eng.Jordan
11-13-2015, 11:15 PM
زراعة الفلفل الرومى الملون فى البلكونة

قريبة لى قالت لى انها بتزرع فلفل رومى فى البلكونة فانبهرت بالفكرة وبدأت فى تنفيذها


بدأت من حوالى 3 شهور – فى مارس – اشتريت فلفلة رومى حمراء وأخرى صفراء – فتحتهم وأخدت البذر الابيض من داخلهم – وضعتهم فى طبق صغير وتركتهم مكشوفين كام يوم عشان البذور تنشف
بعد ما البذور نشفت نقعتهم فى قليل من الماء 24 ساعة
وبعدين حفرت حفرة صغيرة بعمق عقلة الصباع وحطيت البذور – بذرتين 3 فى الحفرة – ولو حوض زرع ممكن نعمل اكثر من حفرة بين كل واحدة 30سم
نسقى بالماء بحيث تكون الطينة رطبة دايما – بعد حوالى اسبوعين حتظهر براعم خضراء صغيرة
بعد ما البراعم تبقى طولها 2 او 3 سم نترك اللى طولت اكتر وشكلها صحتها احسن ونشيل التانيين اللى طالعين لزق فيها – نشيلهم بحرص عشان ما نأذيش الحلوة اللى اختارناها
بعد ما يطول الزرع 5سم كدة نسقى بس لما الطينة تنشف – ونستمر فى كدة
بعد حوالى شهرين حيكون الزرع كبر وطول والاوراق بقت جميلة وكبيرة ولونها اخضر غامق
فى الشهر الثالث حتظهر زهور بيضاء صغيرة
بعد حوالى شهر الزهور حتبدأ تدبل وتقفل ويغمق لونها
وفجأة حتظهر من وسط الزهور الدبلانة جائزة تعبك: فلفل رومى صغير نونو لونه اخضر غامق – وكل يوم حيكبر اكتر
حنعرف ان الفلفل اكتمل نضجه لما يتحوب لونه من الاخضر الى الاحمر او الاصفر – وكل ما سبناه كل ما لونه يبقى احلى

اليكم رحلة بالصور لحياة نبات الفلفل المثيرة من زهرة بيضاء صغيرة مزهوة تبدأ فى الانكماش والذبول واذا بالثمرة الجميلة تخرج من رحم الزهرة لامعة شديدة الاخضرار وتظل تكبر شيئا فشيئا وفى النهاية يتحول لونها الاخضر الى لونها النهائى – اما احمر واما اصفر http://my2cents.gawaher.com/wp-content/uploads/2014/07/IMG_0745.jpg (http://my2cents.gawaher.com/wp-content/uploads/2014/07/IMG_0745.jpg)
http://my2cents.gawaher.com/wp-content/uploads/2014/07/IMG_0746.jpg (http://my2cents.gawaher.com/wp-content/uploads/2014/07/IMG_0746.jpg)
http://my2cents.gawaher.com/wp-content/uploads/2014/07/IMG_0748.jpg (http://my2cents.gawaher.com/wp-content/uploads/2014/07/IMG_0748.jpg)
http://my2cents.gawaher.com/wp-content/uploads/2014/07/IMG_0749.jpg (http://my2cents.gawaher.com/wp-content/uploads/2014/07/IMG_0749.jpg)
http://my2cents.gawaher.com/wp-content/uploads/2014/07/IMG_0754.jpg (http://my2cents.gawaher.com/wp-content/uploads/2014/07/IMG_0754.jpg)
رعاة sponsors