المساعد الشخصي الرقمي

مشاهدة النسخة كاملة : ‏ازاى_تربى_راجل


صابرة
05-09-2016, 07:15 AM
#‏ازاى_تربى_راجل
لم يعد أبناء هذا الجيل يقول حاضر و طيب كالأجيال السابقة
و لكنهم دوما يطرحون الأسئلة
يعترضون
و يكثرون الجدل حول جدوى القواعد و التعليمات التى توجه اليهم و يريدون تفسيرا لكل تصرف تتصرفه معهم
و يتضايق الآباء ..و يغضبون و قد يلجئون الى أسلوب فرض الرأى بالقوة هروبا من هذا الجدل العقيم
و يتذمر الأبناء .. و يعلنون العصيان صراحة .. أو يتجاهلون الأمر و كأن شيئا لم يكن .. أو يلجأون الى التباطؤ و التلكؤ فى التنفيذ حتى يصاب الآباء بالأنهيار العصبى
و تعلو الصيحات و الشكاوى ..ماذا أفعل ؟
عزيزى الأب ..عزيزتى الأم يؤسفنى أن أصارح حضرتك أن المشكلة فيك أنت و ليس فيهم
فقد تربيت على قول حاضر و طيب بدون نقاش فى مجتمع تربى على ان الكبير هو الصح و الصغير هو الغلط ..وبدون فهم لماذا؟ ...
و تعودت على طاعة الكبار بدون أن تعمل عقلك فى التفكير فى جدوى ما تقوم به
لقد تمت برمجتك على تنفيذ الأوامر و التعليمات فى جيل تربى على أن الكبير هو الى بيفهم وماعلينا إلا سماع كلامه واحنا مغمضين .. لأنه لم يكن لنا مصدر للمعلومات إلا هو
الجيل الجديد تتعدد مصادر المعلومات لديه ..الإعلام ..الإنترنت ..الأصدقاء ..النادى لم تعد حضرتك تشكل أكتر من 10% من مصادر معلوماته
و المعلومات التى يحصل عليها متناقضة ..و مناقضة لما تقوله حضرتك فلهذا هو يحتاج الى يفكر .
.يحتاج أن يقيم بين البدائل المتاحة ليه ..
محتاج أن يتخذ القرار لماذا يفعل هذا و لا يفعل هذا ..
يحاول بالفعل أن يفهم منك وجهة نظرك و لكنك للأسف لا تعلم لماذا لأنه تمت برمجتك على أن هذا هو الصح ..لكن ليه صح مش عارف
فتنهار غالبا أدام النقاشات و الجدالات و تفشل فى إقناعهم بجدوى رأيك ليه لازم نذاكر ؟
ليه لازم نرتب؟
ليه لازم نتكلم بادب؟
ليه لازم ما نتأخرش برة؟
ليه لازم ما ندخلش فى شات مع حد مانعرفوش؟
ليه لازم نصلى؟
ليه ...ليه ..ليه ابنك يسأل ..كى يقتنع ..و يختار الصح بعد اقتناعه
انت من تحتاج ان تكتسب مهاره اقناعه .. أنت من يحتاج ان تعلم لماذا ؟
و ان تاتى بالأدلة و البراهين لتثبت صحة رأيك
و ان تعطى له صورة للنتائج ان لم يحدث
و تتعلم كيف تبحث عن معلومات على شبكة الانترنت تقنع بها ابنك
و ان تلجأ الى الفيديوهات و الصور و هو الاسلوب الذى تعود الآن ان يتلقى معلوماته به فى عصر الانترنت
ان تتعلم كيف تخاطب عقله و قلبه و روحه ..باسلوبه هو ..و ليس باسلوب التلقين الذى تعودته أنت
أنت من يحتاج الى التدريب على التفكير و الاقناع و ليس ابنك
#‏ازاى_تربي راجل متدين
وكلمة التدين ليها أشكال كتيرة أوى
فيه تدين ظاهرى يهتم بالشكل الخارجى فقط ...زى المظهر و الذهاب الى المساجد و السلوكيات الظاهرية من غض البصر و عدم المصافحة و الكلام زى جزاكم الله خيرا و يارك الله فيكم
فيه عبادى روحانى ..يهتم بالعبادات و العلاقة مع ربنا جل و علا ..كالصلاة و الصيام والنوافل والحج و العمرة
فيه 🌟تدين أخلاقى سلوكى (👌🌟وفي رأيي الشخصي ده اهمهم)...يهتم بتحسين الاخلاقيات مع الناس ...و القدرة على كف الأذى عنهم و احتمال أذاهم
فيه تدين عقلى علمى ...يهتم بالثقافة الدينية و حفظ القرآن و الحديث و طلب العلم الشرعى
و فيه تدين سياسى ...كل اهتمامه بالسياسة الشرعية و اقامة دولة الاسلام و الخلافة و غيرها
كل واحد متدين بيكون اهتمامه بجزئية معينة من الدين أكتر من غيرها
و دا مش غلط و لكن هو اختلاف طرق التدين على حسب شخصية كل واحد
فالرسول مدح طالب العلم و جعل علمه سببا فى دخول الجنة
و مدح الخلوق و جعل خلقه سببا فى دخول الجنة
ومدح العباد و جعل عبادتهم سببا فى دخول الجنة
و مدح المجاهدين و جعل جهادهم سببا فى دخول الجنة
للأسف يخطىء الآباء حين يفرضون شكلهم المفضل للتدين على ابنائهم و يجبروهم عليه ..حتى يكره الطفل الدين و شعائره
فماذا تنتظر من طفل بيتضرب و يتهان و يصرخ فيه يوميا علشان محفظش القرآن الى عليه ....هل دا هيحب القرآن ؟
ماذا تنتظر من طفل يتضرب و يتهزأ و يتعاقب كل يوم علشان الصلاة ...تفتكروا مش هيكره الصلاة ...دا ممكن يكره الدين نفسه
لو عايز تربى راجل متدين ...ازرع جواه حب ربنا ...و اشرح ليه اسماءه و صفاته ...و اربط تعاليم القرآن بالحياة ...لما يواجه مشكلة فيها أصل من الكتاب و السنة قل له ان ربنا بيقول كذا و الرسول صلى الله عليه و سلم بيقول كذا ....علشان يحس ان القرآن دا منهج حياة مش مجرد كلام و الفاظ لازم نجفظها علشان ما نتضربش
لو لقيت خصلة حلوة فى ابنك امدحها و قل له ربنا بيحبها
لما تحب تحسسه بالنعم الى هو فيها فكره ماذا انعم الله عليه من نعم علشان يحبه
لما يتعرض لمشكلة خليه يلجأ لربنا و يدعيه ولما تتحل قل له شفت ربنا استجاب ليك ازاى
لما يتعرض لموقف حصل زيه ايام الرسول قل له كيف تصرف رسول الله و حببه فى الرسول بافعاله و تصرفاته مش بحفظ نسبه و اسماؤه و زوجاته و اولاده
التدين الحقيقى عقيدة فى القلب و رباط يربط الانسان بخالقه ...وهو دا المطلوب منك تحديدا ..انشاء هذا الرابط و تعليمه ازاى يحافظ عليه
اما شكل التدين الذى يريده الولد ..فلما يكبر يبقى يختار هو الشكل الى هو عايزه ..
ركز فى حبه لله و رسوله أولا
:12801804532: