المساعد الشخصي الرقمي

مشاهدة النسخة كاملة : خطة رمضان


صابرة
05-28-2016, 06:18 AM
خطة رمضان السنة دي 😊 حاجات بسيطة اوى ممكن تخلي رمضانك مختلف ..
١- روقي اوضتك وامسحيها وغيري نظامها شوية
٢- اعملي فيها ركن صغير كده مهما كانت ضيقه هتعرفي تعمليه
٣- هاتى مصحف ومصلية
٤- حطي الحاجات دى فى الركن اللى عملته فوق
٥- كلمي ربنا من الحتة الصغيرة دى ادعية من المكان ده اعبديه واتقربي منه من المكان ده هيشهدلك يوم القيامة
٦- جهزي ٣٠ جنيه وطلعي كل عشر ايام فى رمضان ١٠ جنيه صدقة يعنى كل يوم جنيه تقريبا
٧- عددي نوايا اى عمل بتعمليه فى رمضان عشان ثوابك يضاعف
٨- بلااااش تليفزيون لان هما ٣٠ يوم مش مستحملين دقيقة تضيع منهم
٩- تقرأي قران كتير
١٠- اعملي حجة وعمرة كل اسبوع مره ! ايوه اختاريلك يوم واحد فى الاسبوع صلى الفجر واقعدي اذكري ربنا وسبحيه واقري ما تيسر لحد شروق الشمس تاخدي اجر حجه وعمره تامه تامه تامه
١١- اختاري اى سورة من القرآن واحفظيها وخدي ثواب الحفظ مضااااعف
١٢- رمضان ٣٠ يوم اختاري ٣ من صحابك واتبنيهم فى دعائك يعنى ادعى لفلان وفلان وفلان كل يوم لمده ٣٠ يوم واتفقي معاهم هما كمان يدعولك
وشوفي النتيجه اخر رمضان وكفايه ان الملك هيقولك ولك بالمثل
١٣- استغفري كتير اوووى فى رمضان لنفسك ولاهلك ولناس كتير بتحبيها وعدد نوايا الاستغفار ان ربنا يوسع رزقك فى المال والزوج الصالح مثلا والذريه الصالحه و هكذا
١٤-المصحف الشريف هاتيلك ٥ ووزعهيم على ٥ من صحابك وثواب قرأتهم طول رمضان يتحط فى ميزان حسناتك انتي كمان صدقه جاريه
١٥ - اعملى حصالة رمضان من دلوقتى وحطى كل يوم مبلغ بسيط وقبل رمضان افتحيها و تصدقى بهم لمائده رحمن أو أعملى أكل وفطرى صائمين أو اعملى شنط رمضان ووزعيها
١٦-خليكي فاكرة ان الشياطين اتسلسلت خلاص يعنى اللى باقيه معاك وبتوسوسلك دى هى نفسك الاماره بالسوء فعلميها الادب فى رمضان واثبتيلها
:faldbl_thumb:
:1: