المساعد الشخصي الرقمي

مشاهدة النسخة كاملة : وقفة مع آية...


صابرة
10-15-2016, 06:34 AM
《 فَدَعَا رَبَّهُ أنّىِ مَغْلُوبٌ فَاْنتَصِرْ 》
تعالوا نركز كدة فى هذه الآية
الآيه دى فى سورة القمر..
وتحديداً فى قَصة سيدنا نوح عليه السلام
لما سيدنا نوح ظل يدعو قومه بلا فائدة
فعمل إيه بقى 🤔
أيوة فعلا "فدَعَا رَبَّهُ أَنّىِ مَغْلُوبٌ فَاْنتَصِرْ"
يعنى دعا ربّه أنه ضعيف عن مقاومة هؤلاء فانتَصِر لى يارب
الآيه اللى بعدها بقا بتقول
《 فَفَتَحْنَا أَبْوَابَ السَّمَاءِ بِمَاءٍ مُّنْهَمِرٍ 》
لا ومش بس كدة
《 وَفَجَّرْنَا الأرْضَ عُيُوناً فَالْتَقَى المَاءُ عَلَىٰ أَمْرٍ قَدْ قُدر 》
وكمان مش بس كدة ده ﷲﷻ قال أنه حمله علي ذات ألواح ودسر..
يااااه معقوله😳
كل ده عشان دعا ربَّهُ
لا وبالسرعه دى كمان
شوف الله ﷻ بيقول"فَفَتَحْنَا"
مش فتحنا وخلاص
لا دى الفاء للسرعه
إيه الجمّال ده..
ده حاجه كدة زى السِحر
وأنت لسه نفسك فى شىء.. ومطلبتهاش من ربك
لسه تعبان ودايخ عند الأطباء.. ومرفعتش إيدك
لسه نفسيتك تعبانه.. ومدعتش ربنا يريحك
هو فى مستحيل مع الدعاء؟!
والله لا مستحيل مع الدعاء
فوالله إن انعدمت أسباب إجابة الدعاء فالله ﷻهو رب هذه الأسباب❤
ارفع يدك وتتضرع إلى الله ﷻبالدعاء وستندهش بالعطاء فإنه الكريم..
#تكلم_مع_الله

:1: