المساعد الشخصي الرقمي

مشاهدة النسخة كاملة : غرق و احتضار


جاسم داود
05-15-2012, 02:23 AM
.


إحتضار .!





http://i42.tinypic.com/2iiikoh.gif (http://www.s89s.com/vb)



فيروز بسأل كيفها اليوم : بيروت !
للحين تنطرني على شان نَطْرق ,



باب الأماني , ننحت الـ حلم بـ بيوت ..
نحضن يدينا لين الأشواق | تعرق !



فيروز غنّي وافضحي كل مكبوت ,
وأنا بدثرني ابْـ صوتك وبـ غرق !



قولي لها : من غاب عني وأنا أموت ,
وشلون أجيها ومانتجمّع| بـ مفرق ؟!



( محد يحب اللي يبي ! ) " الـ بدر "


http://i41.tinypic.com/10sejk0.gif (http://www.s89s.com/vb)



وأنا مااخترتك بـ دنياي ,
ولا توقعت أنا أجي لك !


يـ موطن ضحكتي وبكاي ,
تعبت أشكيك وأشكي لك !


تصوّر من رحلت وياي !
نسيت شلون أحكي لك ,


يـ أوّل من ترك جوّاي ,
نبض : بـ اسمك يغنّي لك !


أحبّك : والـ صمت منفاي ,
حضن أكثر | تفاصيلك !


ندهتك : قلت لي مو جاي ,
وبلّل دمعي منديلك !


ايلين أيقنت بك نسّاي ,
نسيت اش كثر أعني لك !


مَ كنت إلك الظما والـ ماي !
مَ كان الـ قلب | يدعي لك !


يـ صبحٍ تهت به وخطاي ..
تعدّتني تنادي لك :


تعال اعزف جروحي ناي ,
تعال اسكني ببكي لك !


يـ آخر فرحتي | رجواي ,
تضوّي فيني قنديلك !



بقايا الـ عابرين .!



http://i44.tinypic.com/20uop5z.gif (http://www.s89s.com/vb)




ليه ياضيقي تجي دايم | حنون !
عكس فرحي لاوصل كِنّه حزين ,



تمتلي بي نبض وأصرخ بك تمون ,
إيه خذني لك : ابسلى بك سنين !



ودّي أنسى في متاهاتك | ظنون ,
ودّي أرحل عن بقايا الـ عابرين !





ودّي أخلق لي فضا يمكن أكون ,
أمنية طارت ولا تدري لـ وين !



من رحل عنّي تلبّست الـ سكون ,
لا دمع ينزل سوى عبرة | تبين !



إن نسيته قصد هزّتني الـ طعون ,
وإن ذكرته كل ماحولي : يشين !



بي حقيقة وصّلتني للـ جنون ,
لين كلّي تاه بـ أنفاس الـ آنين !



دايم الأوفى مقدر له : يخون ,
كل فرح ويحضن الذكرى | حنين !




سراب .!



http://i41.tinypic.com/w8b0y1.gif (http://www.s89s.com/vb)




كانت الليلة كئيبة .. والقهر محتاج باب ,
كانت العتمة مُريبة .. والضّيا همسه خفيف ,



زحمة من حولي تناثر .. بينهم شفتك سراب ,
كلما ألهي بصدّي.. هبّت الذكرى خريف !



أسمعك تنده [ تعالي ] نبتر اطراف الغياب ,
وضعنا صاير رمادي .. يشبه اوقات الرصيف!





وأشعر بدافي حنينك .. يشعل بقلبي عتاب ,
ذوّب أطرافي بـ [ وينك ! ] هالشّتا برده مُخيف ,



عامٍ أقفى من بعادك , صمت .. دمعة .. واغتراب
تاهت أحلامي بـ قُربك .. ليتني ألقاك ضيف !



المباني لك تنادي : لفّها حزنك ضباب !
هو متى ترجع دخيلك ..؟! حالنا دونك كسيف !



الأغاني : صارت أقسى , والأماني : شمع ..ذاب ,
والفَقِدْ إني أشوفك ! .. بس كيف أُوصلك كيف !



تدري هالليلة طويلة.. وإحتياجي لك عذاب ,
كل ماناديت [ عجّل ] رددت ظلماي : طيف !




إندثار .!



http://i41.tinypic.com/2yopnko.gif (http://www.s89s.com/vb)




للـ موت أبعث أمنياتي وأغنّي ,
خذني لعندك مابقى شي فيني ..



لامن تعبت وماسأل حد عنّي ,
أحسن لي أسكن بين صمتك وبيني !



قل للحياة المترفة : بس كنّي ,
ماعاد تغري لهفة الـ شوق عيني !



كم لي أبعثر في مدى الصوت ظنّي ,
ظنّك يجيني واشعر إنه يبيني ؟!








.
.
لـ شآعرتهآ : رزآن العتيبي