طريقة عمل الششبرك على الطريقه الاردنية بالصور
اليوم يا سادة يا كرام جايبتلكم اكلة ممممممم بتشهي يى شو بتشهي هاي قصدي زاكية كثير كثبر اسمها الششبرك او الشيشبرك موبينا ما بنختلف على الاسم بس الحلو في ناس بقلها اذان الشايب ما بعرف اصل هالاسم المهم بالاخر الطبخة نفسها.. ولك يا يوسف ابعد يا ولد.. مجنني هالولد بدو يحط ايدو عكل اشي مصر يحضر معي الاغراض نبلش يالله بسم الله اولا المقادير.. لعجينة الششبرك بدنا -2 كوب دقيق 2-3 ارباع كوب ماء رشة ملح مقادير الحشوة 1-500 غرام لحمة مفرومة خشنة 2-بصلة واحد 3-ملح – بهارات مشكلة – فلفل اسود 4- زيت ذرة مقادير الشوربة لبن جميد او حسب الرغبة هاذ اللبن بنفع وزاكي http://img838.imageshack.us/img838/622/005hj.jpg طريقة التحضير نخلي الدقيق في صحن غميق واعجني الدقيق بالماء وضعي عليه ذرة ملح وضعيه في مكان دافئ لمدة نص ساعة لكي ترتاح العجينة http://img717.imageshack.us/img717/3705/31573347.jpg طريقة تحضير الحشوة قسمي البصلة ناعماً وضعيها في مقلاة وضعي عليها قليل من الزيت وحركيه حتى يذبل وضعي عليها اللحمة وحركيها حتى تذبل قليلا وضعي الغطاء عليها واتركيها 10 د على نار هادئة ثم افتحي الغطاء وحركيه حتى تستوي منيح وضعي عليها قليل من الملح والبهارات والفلفل http://img844.imageshack.us/img844/3385/007cc.jpg ثم افردي العجينة على سطح رخام او خشب في مرق العجين حتى يكون سمكها قليل واقسمي دوائر بفنجان القهوة الصغير http://img251.imageshack.us/img251/9024/004pbq.jpg بس يا يوسف زهقتني معلش بدو يلعب بالعجين بس اعطيتو قطعة صغيرة مشان يفك عني وما يقلعطكم وانتو بتابعوني فاهمين اشي ههههههههه انا يا دوب فاهمه المهم نرجع لطبختنا متل هيك.. http://img251.imageshack.us/img251/6826/005qt.jpg ثم تجهزي الكمية التي ترديها وتضعي في طبق وبتخلي حتى ينشف مزبووط واذا بتحبي تضعي في الفرن لكي ينشف ولا يتغير لونه http://img838.imageshack.us/img838/882/009rb.jpg ملاحظة: في ناس مثلنا طبعا بخليها مثل القطايف ما بلفها بصير يعني وكمان ما بنحمصها او بنشفها دوغري عاللبن هاي طرق طبعا الخبرة الها دور يعني امي بدبها بسرعة باللبن وهي عجين ما بتفرق بالاخر زي بعض وبتجهزي اللبن يلي بتحبيه وتضعي على الغاز حتى الغليان وتضعي حبات العجين في اللبن مع التحريك لكي لا يتماسك في بعضه http://img825.imageshack.us/img825/8814/010ia.jpg وبتخلي يغلى مع بعضه 15 دقيقة واذا بتحبي تضعي قليل من الكزبرة الخضراء وقليل من العصفر حسب الرغبة وهيك بكون الطبق جاهز http://img826.imageshack.us/img826/4881/888006.jpg صحتين وعافية يارب تكون عجبتكم المصدر http://www.qassimy.com/lesson/lesson-7782-1.html |
جميع الأوقات بتوقيت GMT +3. الساعة الآن 07:33 PM. |
Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
جميع المواضيع والمشاركات المطروحة تعبر عن وجهة نظر كاتبها ولا تعبر بالضرورة عن رأي إدارة الموقع