|
عايشه باغنى
عايشة باغنى ************* وبتسالنى .. وبتسألنى إزاى أنا عايشه ؟؟ فاكر جرحك ليَّه قتلنى !! فاكر سهم الكلمة الطايشة صاب القلب وصاب النِنى ؟؟ أنا مش لسه ضعيفة وهشة ولا يحيينى قُربك منى أنا ببساطة عايشة لأنى .. لسه باغنى *** لسه بشاغل صمت الكون قادره أجدد روحى ودمى وابقى مشاعل .. وابقى عيون وابقى مرايا لعالم رافض .. أبقى مرايته وابقى الرايا للى انداست .. راسه ورايته وابقى الملح لأمسخ لُقمة .. الشعب أكلها كلمة حق .. فلتت من .. طوقها وموالها صبحت دانة *** مش ندمانة .. لأني هويتك ولا سهرانه بأنب روحى .. ازاى حبيتك ؟؟ قبل ماتنسى الحب .. نسيتك قبل ماتبعد يوم .. حسيتك عشت فتورك خدت قرارى .. قطعت جسورك بس غرورك يوم صور لك أنى هاعيش العُمر فى ضِلك وانى هاموت لو هارفض ذُللك وان كنوز الدنيا ماتسوى .. لحظة قربك أحضن كدبك .. اسكُن وهمك وابعد عنى ووعاك ترجع يوم تسألنى .. ازاى أنا عايشه ؟؟ أنا فى وجودك .. كنت حقيقى ضعيفة وهشه كان مفروض انك تسألنى ازاى عايشه ؟؟ *** لكن بَعدك حتى إن مُت .. هيفضل فنى وأفضل عايشه بروحى لأنى رغم هموم وغيوم العالم كنت بأغنى ولسه بأغنى *** |
بسم الله الرحمن الرحيم
أختي إيمان بارك الله كلماتك رائعات وأفكارها جميلة لكن ياحبذا لو كانت الفصحى لغة القرآن التي نعتز بها هي اللغة التي تكتبين بها وفقك الله |
اهلاً بكِ اختنا ايمان بعد غياب شكراً لحضورك اللطيف بيننا تقديري |
شَاعرتنا أيمان أهلاً فخمة تليقُ بشخصك الكريم وحرفك النابضِ حسٌ مرهفٌ شيدتهُ الحروف باتقان أحييك جدًا |
أخى الفاضل إبراهيم الرفاعى .. أسعدنى مرورك الكريم على قصيدتى المتواضعة .. وكنت أتمنى لو أكتب بالفصحى لغة القرآن .. ولكنى وجدت نفسى فى هذا اللون البسيط والذى يصل لبسطاء الناس دون عناء .. فأعذرنى |
أخى الفاضل .. مطر وقمح .. أشكرك وأعتذر للإنقطاع هذه الفترة فقد فقدت الباث وورد الخاص بى وأضطررت للتسجيل من جديد ذلك لأنى أعتز بهذا المنتدى الجميل وأشعر أنه بيتى الأدبى . |
أخى أمير الحرف .. جزيل الشكر لك ولكلماتك الجميلة الراقية والتى لا تليق اللا لمثلكم .. وأتمنى أن أكون دائما عند حسن ظنكم بى . |
| جميع الأوقات بتوقيت GMT +3. الساعة الآن 07:02 AM. |
Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
جميع المواضيع والمشاركات المطروحة تعبر عن وجهة نظر كاتبها ولا تعبر بالضرورة عن رأي إدارة الموقع