القناعة والرضا سلاح الفقراء
http://i34.photobucket.com/albums/d1...psdf79cf4a.png #قصة_حقيقة القناعة والرضا سلاح الفقراء ...................................... كان فى متطوع فى جمعية خيرية بيبحث عن المحتاجين للمساعده فى احد القرى الفقيرة . فوجد بيت كان عباره عن غرفة و بها راجل معاق ( رجله مقطوعه ) قعد معاه وبدأ يدردش ( يتكلم ) معاه و يسأله : فى حد عايش معاك ؟؟ قال انا قاعد لوحدى فى البيت (بغسل لنفسى و بعمل اكل لنفسى و انا اللى بعمل كل حاجه لنفسى ) سالته طب بتصرف منين ؟؟ رد وعلى وجهة الابتسامة بالحمد و الرضا انا باخد معاش 230 جنيه .. بصرف 50 جنيه علاج و بالباقى ربنا بيسترها معايا بيهم ... قولتله طب مافيش اى حد بيجى يساعدك باى حاجه , يكنس , يغسل , يمسح , او يديك فلوس . قالى الحمد لله اخواتى بيسالو عليا من وقت للتانى ربنا يقويهم وراهم كوم لحم .. حسيت ساعتها ان انا لازم اعمل اى حاجه للراجل ده و قولتله انا عايز اساعدك اساعدك ازاى ؟؟؟ رد على السؤال باجابة غير اللى كنت متوقعها !!!!! قال : بص يابنى فيه ناس كتير محتاجه المساعده اكتر منى روح ساعدهم و ربنا يجازيك خير بس انا كل ما اسمع كلامه بصمم ان انا لازم اعمله حاجه و اساعده وقولتله ان انا لازم اساعد حضرتك قالى عاوز تساعدنى روح دور على اللى يستحق و ساعده و بكده فعلا هتكون ساعدتنى انا بجد قاعد منبهر من كلامه و تفكيره و رضاه على كل اللى هو فيه .. =========================== وتحسبهم اغنياء من التعفف فى الوقت ده عدى شريط حياتى كله فى بالى ازاى احنا حالنا كويس جدا و بندلع لا مش باكل الصنف ده , لا انا عاوز اتغدى بره النهارده , لالالالالا مصروفى ده قليل زودولى مصروفى شويه , انا عاوز اسافر زى صحابى احنا فى نعمه مانعرفهاش يعنى راجل لا عنده فلوس ولا صحه و بيقول الحمد لله وشايف ان فيه غيره يستحق المساعده اقولكو على حاجه .. احنا فعلا اللى محتاجين مساعده اه والله محتاجين حد يفوقنا !!! احمد ربك واشكره على نعمه عليك و ارضى بما قسمه الله لك .. الحمدلله *** دمتم بخير |
جميع الأوقات بتوقيت GMT +3. الساعة الآن 08:39 PM. |
Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
جميع المواضيع والمشاركات المطروحة تعبر عن وجهة نظر كاتبها ولا تعبر بالضرورة عن رأي إدارة الموقع