عرض مشاركة واحدة
  #1  
قديم 02-14-2014, 08:16 AM
الصورة الرمزية عبدالناصر محمود
عبدالناصر محمود غير متواجد حالياً
عضو مؤسس
 
تاريخ التسجيل: Jan 2012
المشاركات: 56,039
ورقة محسوب: الانتقال لحضن دولة متوسطة


معلقا على زيارة روسيا .. محسوب: الانتقال لحضن دولة متوسطة
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ

14 / 4 / 1435 هــ
14 / 2 / 2014 م
ــــــــــــــــــــــــــــــــــــ

الانتقال 1392298643.jpg

في تدوينة على موقع التواصل .. فيس بوك .. كتب السياسي المصري محمد محسوب:



استمرار الهذيان..التوازن الاستراتيجي..
قال لي صاحبي هذه الزيارة ستعيد التوازن الاستراتبجي!!
طب مع مين؟..ولمصلحة مين؟..وإيه حدوده الجغرافبة؟
ام اطلاق لتعبيرات كبيرة بلا مضمون.. ليتحلق حولها مغنون وراقصون وهم في حالة هياج من النشوة والسعادة الكاذبة..
يعني إيه توازن؟
يعني حالة من التكافؤ مع شئ آخر يحقق استقرار آمن.. التوازن الذري تكافؤ بين مكونات الذرة لو اختل لتبعثرت..والتوازن الاقتصادي تعني تكافؤ العرض والطلب..
أما التوازن السياسي فتعني التكافؤ مع منافسين او خصوم حاليين أو محتملين بما تملكه من عناصر ردع ذاتية.. يعني ذاتية..
طيب بعني إيه توازن قوى الانقلاب مع ثورة تعمل على إزالته؟؟ خلي السؤال ده لبوست تاني..
دلوقتي خلينا نحط كلمة استراتيجي جنب كلمة توازن..تبقى توازن استراتيجي..
آه بقت صعبة كده.. محتاج كتاب في معنى التوازن الاستراتيجي عندك اخونا د.طارق الحروي عن التوازن الاستراتيجي بمنطقة غرب المحيط الهندي وانعكاسه على الامن القومي العربي..
طب ليه باقترح كتاب عن الامن القومي العربي بغرب المحيط الهندي؟؟
لأن البعض بيزعل لم نتكلم عن الامن القومي العربي في منطقة القلب العربي.. ومعدش حد بيتكلم عليها إلا اللي لسه عنده قلب عربي او وطني..
ع العموم التوازن الاستراتيجي يعني تحقيق تعادل وتكافؤ القدرات الوطنية مع مخاطر قائمة أو محتملة في نطاق جغرافي وزمني محدد..
بس علشان نبدأ في الحديث عن توازن استراتيجي محتاجين.. تحقيق تكافؤ مع المنافسين والخصوم.. وتحقيق قدرة ذاتية يعني 3 حاجات اللي أشار ليهم د.مرسي بخطابه.. وتحديد مجال العمل الإقليمي..
علشان كده أي بلد بيفكر يكون له قيمة محتاج الأول بناء قدراته الذاتية اللي بتبدأ بلم شمل شعبه في نظام سياسي تحت رقابة الشعب مش فوق الشعب..وبعدين تعظيم القدرات الوطنية.. قمح وزراعة ومياه وطاقة وصناعة وتجارة.. الخ.. يعني تحقيق توازن داخلي يمكنك من التوازن مع الخارج..
لكن لما تفكر تنتقل من حضن دولة كبرى لحضن دولة متوسطة تبقى مش بتعمل توازن استراتيجي.. تبقى بتنقل من بيت طاعة لبيت طاعة تاني.. أو بتحط نفسك ف وسط نزاع بين قوى مش ها تقبلك إلا كمنطقة نفوذ أو كتابع خدمي.. قواعد عسكرية متقدمة أو فناء للتدريب أو لتهديد الخصوم.. ألخ
البداية بفك شفرة الديموقراطية وتبني نظام حكم شفاف لا يحمل السلاح ضد شعبه.. وإلا كلمني عن التوازن الاستراتيجي بين انقلاب مسلح وشعب بيواجهه بإيد عارية وقلوب مؤمنة..


ــــــــــــــــــــــــــــــــــــــــــــــــــ ــــــ
المصدر: ملتقى شذرات

رد مع اقتباس
 
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59