ويلٌ للمطففين
كلنا واحنا صغيرين سمعنا ( ويل للمطففين ) وشرحوهالنا على انها البائع اللي بيغش في الميزان ويدي للناس أقل من حقهم ! هو دا بس معنى المطففين ؟!
يعنيي ايه مطفف ؟!
التطفيف سُمّي تطفيفا لأنه يكون في الشيء الطفيف الذي لا يهتم به الناس لقلته وخفائه يعني مثلا ينقص البائع خمسين جراما فقط من كيلوا جرام ... هو شئ بسيط وقليل ... بس ربنا توعده بــــــــــسورة خاصة في القرآن !
مين هم المطففين ؟ ( الذين إذا اكتالوا على الناس يستوفون. وإذا كالوهم أو وزنوهم يخسرون )
يعني لما بييجوا ياخدوا حقهم من الناس بياخدوه كلــــــــــه كاملا ... وأول ما يحصل العكس ينقصوا حق غيرهم !
الآية مش بس على البائعين زي ما ما احنا فاهمين !
المطففين : زوج يريد من زوجته أن تعطيه حقه كاملا ولا يتهاون ولا يتغاضى وفي نفس الوقت يظلمها وينقصها حقها
المطففين : مدرس آخر كل شهر بياخد مرتبه كاملا وفي نفس الوقت يهمل ولا يراعي ضميره في الشرح ولا الحضور والتأخير !
المطففين واحد عايز كل قرايبه يهتموا بيه ويسألوا عليه وهو بيقطع رحمه ومش جدع معاهم !
المطفيين كل واحد مبيراعيش ربنا في أي مكان مسؤول فيه عن حاجة يعملها وبياخد حقه كامل من الجميع !
الآية دي تخلي كل واحد فينا يفكر ... هل هو مراعي ضميره في شغله ... في حياته ... في علاقاته الاجتماعية ... في علاقات مادية ولا لأ ...
لو انت دكتور حط نفسك مكان المريض وشوف حقك عليه يهتم بيك ازاي .. لو مدرس حط نفسك مكان أهل التلميذ وشوف كانو هيحتاجو ايه منك تديه لابنهم ..
من : تفسير ابن عثيمين ... صيد الفوائد
القرآن_وتدبر_آياته
__________________
" يا الله أنتَ قوتي وثباتي وأنا غصنٌ هَزيل "
|