03-05-2016, 07:54 AM
|
 |
متميز وأصيل
|
|
تاريخ التسجيل: Apr 2015
المشاركات: 8,880
|
|
من لم يتغير أثناء رحلة تربية الأبناء
🌟يقول الدكتور ياسر نصر:
❤🌟👈من لم يتغير أثناء رحلة تربية الأبناء
فهو لم يدرك المعني الحقيقي للتربية
❤قصه حقيقيه ترويها أم #نقلتها للإستفاده
مؤثرة جدا واعتذر لقساوتها ولكن......رفقا ببرائتهم ♡
☆☆☆☆☆☆☆☆☆☆☆☆☆☆☆☆☆
انا أم لطفله جميلة عندها 4 سنوات مريت بتجربة قاسية جدا على قد ما التجربة كانت صعبة الا انها غيرت ليا حياتى حابة احكيكوا قصتى عشان تسفيدوا منها و تراعوا قوى ربنا مع اطفالكم
حياتى كانت زى كتير منكم مليانة مشاكل وطول النهار مشغولة ما بين شغل البيت و النضافة ومذاكرة الاطفال ده غير الخناقات الى مش بتخلص بينى وبين زوجى وللاسف كنا بنتخانق دايما قدام الاولاد
انا بعترف انا كنت بتعصب على ولادى وبضربهم مكنتش بحاول اقرب منهم كل علاقتنا كانت اكل وشرب ونضافة ومزاكرة وفى مرة من المرات حصلت خناقة بينى بين زوجى كالمعتاد على حاجة هايفة جدا واتعصب عليا وانا اتعصبت اكتر وسبتله الاوضة ومشيت وانا مشحونة جدا
دخلت على بنتى لقتها فاتحة دولاب المطبخ ومبهدلة الدنيا وموقعة الدقيق والمكرونة على الأرض المنظر كانت بصراحة يعصب جدا وانا اصلا كنت مشحونة محستش بنفسي غير وانا نازلة عليها ضرب فى كل حتة فى جسمها ولأول مرة اضربها على وشها بالألم وهى كانت ساكتة مش بتدافع عن نفسها ولا حتى بتعيط ولا بتنطق لحد ما خلصت ضرب سبتنى وراحت اوضتها
ومن يومها بنتى فقدت النطق مفيش ضحك مفيش عياط حتى كلمة ماما اتحرمت منها و فضلت على الحال كتير واكتر من دكتور قالوا معندهاش حاجة
و فى يوم وانا بصلى دعيت ربنا بصدق وكنت منهارة وبعيط من احساسي بتأنيب الضمير ..
جريت على بنتى وانا بعيط واخدتها فى حضتى وقولتها بحبك اول مرة اقولها بصدق كده اول مرة احس حضنها كده , بدأت تتجاوب معايا وتلمسنى بايدها وهى مترددة وبتقولى ليه تعملى فيا كده يا ماما ده انا بحبك ده انا كنت بحضر اكل ليكى ولبابا عشان اصالحكوا على بعض كلامها هزنى من جوايا وقررت انى اتغير بجد...
من يومها اخدت قرار اني لازم اتغير..لازم اتعلم ازاي اتحكم في اعصابي. .ازاي ربي بنتي واراعي ربما فيها وفي نفسي. .
مع الوقت علاقتي اتغيرت مع بنتى وبقيت هادية فى تعاملى وهى بطلت عند معايا حتى زوجى قدرت اتعامل معاه و لو هو متعصب كنت بحاول احتويه انا دولقتى سعيدة واكتشفت ان السعادة قرار وان انا الى كنت معيشة نفسي فى الدوامة دى . واكتر حاجة استفدتها من التجربة دى ان كلمة ماما حلوة اسمعوها كتير واحضنوا ولادوكوا بصدق وعاملوهم كويس واتعلموا تربية صح عشان تقدروا تعيشوا...
تجربة أم...
👈🌟📢تااااني
من لم يتغير أثناء رحلة تربية الأبناء
فهو لم يدرك المعني الحقيقي للتربية
🌹دكتور.ياسر نصر
__________________
" يا الله أنتَ قوتي وثباتي وأنا غصنٌ هَزيل "
|