قصة اليوم

اليوم

شاب كان مشترك في موقع إباحي لمدة 5 سنوات بـ500 جنيه ..
الموقع بيبعتله علي ايميله كل يوم صور ومقاطع إباحية..
هو من كتر ما كان مُعجب بالموضوع لم صحابه و عرّفهم على الفكرة بكل فخر وفرّجهم على الحاجات اللي الموقع بيبعتها ..
هما كمان إنجذبوا للموضوع فقرروا يشتركوا ف الموقع
قالهم لا وتشتركوا ليه مانا مشترك ..
انا هضبط إعدادات إيميلي إن الرسالة اللي تجيلي من الموقع ده يتعملها إعادة تحويل وتتبعت ليكم كلكم على ايميلاتكم
وقد كان..
فضلوا على الحال ده 6 شهور .. وبعدها الشاب ده عمل حادثة ومات!
صاحبه بيحكي إنه لما رجع من الجنازة لاقى رسالة مبعوتاله من إيميل صاحبه الميت بالصور والمقاطع الإباحية!
صحابه بعتوا للموقع إن صاحب الإيميل ده توفى فياريت تلغوا الرسائل اللي بتتبعت.. كان رد الموقع إنه ماينفعش تتلغي قبل نهاية الاشتراك!..
الاشتراك اللي لسه هيكمل 4 سنين ونص !!!
4 سنين صعب جداً يكونوا صحابه بالوفاء اللي يخليهم مايفتحوش الرسائل في لحظات ضعف او رغبة او عصيان!
فـ فضل الحال على ماهو عليه.. الشاب ف القبر بيتحاسب والذنوب عمالة تكتر عليه.
## نفس الفكرة دي بنعيشها ف قصص كتير من غير ماناخد بالنا
**البنت اللي بتقلع الحجاب فتقنع صحابها إنهم يقلعوا الحجاب. او تكتب على السوشيال ميديا قد إيه الحجاب كان غلط ومش فرض اصلا وقد إيه هي مبسوطة بالتحرر منه فتكون سبب ف ضعف بنت غيرها
** الشاب اللي بيشرب سجاير فيعزم على صاحبه ويعلّمه يشرب معاه عشان مايبقاش لوحده
** الشباب او البنات اللي مابتصليش خالص او الصلاة مش من أولوياتها فلما تبقى ف خروجة حلوة تمنع أي حد من الموجودين انه يروح يصلي بحجة "ابقي صلي ف البيت بقى ماحبكتش"..
إنت كده مش هتشيل ذنب تأخير صلاته مرة واحدة ..هو ممكن يتعود على كده ويبقى ده مبدأه دايماً حتى لما يخرج مع حد غيرك فيبقى يصلي لما يرجع بقى ماحبكتش..
** البنت اللي بتعمل حواجبها ومقتنعة ان ده مش من النمص المُحرم فتقنع صاحبتها انها تعمل حواجبها هي كمان وان يابنتي كل الناس بتعمل كده وماتبقيش مُتشددة كده واحنا بننظف بس مش بنشيل الحاجب كامل و ..و..و..
لو كان لازم تعمل الذنب ، اعمله لوحدك .. ماتقنعش حد بيه ، ماتحرّضش حد عليه
انت بعد فترة ممكن تتوب .. ممكن تبطل كل الذنوب وتبقى من الصالحين كمان.. بس ساعتها مش هتعرف تجري ورا كل واحد نقلت له العدوى وعوّدته على الذنب ده وتخليه يتوب
ولو عرفت تجري وراهم كلهم مش هتعرف تقنعهم بإنهم يبطلّوا حاجة اتعودوا عليها خلاص لمجرد انك بطلّتها.
زي ما في صدقة جارية فيه ذنوب جارية
احرص على الأولى واحذر من التانية
#منقول

المصدر: ملتقى شذرات