#1  
قديم 06-17-2018, 10:55 AM
الصورة الرمزية صابرة
صابرة غير متواجد حالياً
متميز وأصيل
 
تاريخ التسجيل: Apr 2015
المشاركات: 8,880
افتراضي براءة أطفال


منقول

•• براءة أطفال ••
بالعامية المصرية .............
بالأمس وأنا في صلاة التهجد فى المسجد وكنت أصلي أقصى يمين الصف الأول ،
وكان بجانبي طفل صغير , ونحن ساجدون ،

سمعت الطفل بفطرته بيكلم ربنا ويقول :
"يارب النهارده بابا تعبان ، فمش قادر يصلى التراويح ، وانا جيت أصلى مكانه ، فممكن تشفهولي وأوعدك هنصلي سوا" ,

وشوية دعوات فى كل سجدة أنه بيحب باباه وأن باباه عمره ما زعلهم أبدا ,
انا طبعا هالنى جمال ما سمعت من الولد هذا ..

فأول ما خلصنا الصلاة أخدته على جنب ، وكان فيه باقى عصير فجبتله وشرب وقلتله ؛
احكيلى بقى بابا ماله علشان أنا سمعتك بتكلم ربنا عليه ؟ !!

ببراءة أطفال قال
"بابا ياعمو دايما بيجى يصلي مكانك دا ،
ومش بيسيب فرض ،
والنهارده تعب ، فمش قادر يجى يصلي ,

فقلتله أنا يابابا هروح واقعد مكانك علشان لما ربنا يبص يلاقينى واقف

انا بقيت مذهول وعرفت أنه دى تربية أحد الصالحين ،

فاستأذنت من الشيخ أخرج من الاعتكاف للحظات وأشوف بقى مين الراجل الصالح إللى ربّى ابنه كدا ؟!!

وبالفعل روحت معاه البيت وفوجئت بأنى أعرف أبوه كويس جدا ،

أبوه راجل كبير في السنّ عفيف النفس ,
مش بنسمعلوا صوت ومفيش مرة شوفته إلا والمصحف فى إيده

سلّمت عليه وكانت الصدمة التانية أنه بيته حالته السكنية متدهورة جدا ,

والغريب أنا والإخوة عاملين حصر للحالات الفقيرة في البلد ،
ومكنتش أعرف أنه الراجل الطيب دا أكتر واحد يستحق بالشكل إللى انا شوفتوا في بيته ، وجاء في بالى قول الله تعالى "يَحْسَبُهُمُ الْجَاهِلُ أَغْنِيَاءَ مِنَ التَّعَفُّفِ "

وكان من فضل الله علينا أن في صلاة العشاء كان فيه واحد أعطاني زكاة ،
وكانت ١٣٠٠ جنيه ، فحطّيت الفلوس في ظرف كدا وقلت لابنه لما أمشى ابقى افتح الظرف واديه لبابا ؟!

المفاجأة الأهم من دا كله ، إنى من فترة كتبت بوست على بنت أمها كلمتنى عنها , أنها قوّامة صوّامة لا تُفارق القرآن لحظة ، لدرجة أنها بتنام والمصحف في حضنها ,

البنت دى طلعت بنته ومتقدملها شاب صالح نحسبه على خير ، واللى مأخر جوازهم ظروف والدها المادية , ودا اللى فهمتوا من أمها بصعوبة ...!!!

فرجعت المسجد جرى وحكيت للشيخ فمصدقش طبعا أننا كنا غافلين عن واحد بالصلاح والفلاح دا ,

واتصل بواحد اسمه عبدالواحد صاحب شركة أجهزة ، ومعاه محلات ألومنيوم عندنا ، وقال له جهز لي عفش عروسة كامل ...

فرجعنا لبيت الراجل الطيب دا أنا والشيخ فلما بلغت أم البنت على العفش والله كانت بتعيط من الفرحة ومش هقدر أوصف لحضراتكم حضنت بنتها إزاى ؟! ,

لكن أبوها كان عزيز النفس ورفض المساعدة , فشوفت في وش شيخى نظرت انكسار وكان بيتذلل للراجل دا أنه يوافق على العفش وأنه مش يحرمه من الأجر دا ..

نظرة حسست الراجل أنه الشيخ هو إللى محتاج أجر الصدقة ، مش الراجل ...
فوافق بفضل الله بعد معاناة , فالشيخ قال له هتروح لحالك تجيب العفش وهتلاقيه مدفوع التمن بفضل الله ..!!!

الكلام دا كله مأخدش ساعتين زمن أنتم متخيلين تدبير ربنا سبحانه وتعالى ,

فأنا بقى سألت الراجل الطيب ؛ إيه اللى بينك وبين ربنا علشان يسخر لك عباده كدا ؟!

كان رده " إن انقطعت حبال الناس فحبل الله موصول "
وطول ما احنا قاعدين كان بيردد قول الله تعالى
" فاستجبنا لهُ ونجّيناهُ من الغمّ وكذلك نُنجى المُؤمنين "

ولمّا رجعنا للمسجد ،
الشيخ بابتسامة قال جملة مش ممكن انساها قال" لا يترُك الله عبداً صابراً حتى يرزقُ التعجُب من جبره ,
والفرح بما كان من تأخير رزقه ,
وأن عطاء اللّه إذا حل ينسيك ما فقدت "

14.gif

المصدر: ملتقى شذرات

__________________
" يا الله أنتَ قوتي وثباتي وأنا غصنٌ هَزيل "
رد مع اقتباس
إضافة رد

العلامات المرجعية

الكلمات الدلالية (Tags)
أطفال, براءة


يتصفح الموضوع حالياً : 1 (0 عضو و 1 ضيف)
 
أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة


المواضيع المتشابهه للموضوع براءة أطفال
الموضوع كاتب الموضوع المنتدى مشاركات آخر مشاركة
دم أطفال أوروبا عبدالناصر محمود أخبار منوعة 0 07-19-2014 04:01 AM
أطفال الأنابيب ابراهيم الرفاعي أخبار ومختارات أدبية 0 06-04-2013 10:55 AM
أطفال وبراءة... صباح الورد الصور والتصاميم 3 06-23-2012 12:39 PM
غرف نوم أطفال روعة... صباح الورد البيت السعيد 2 06-21-2012 08:18 AM
صور أطفال-ضحك موت- حفيظة الملتقى العام 2 03-06-2012 02:31 PM

   
|
 
 

  sitemap 

 


جميع الأوقات بتوقيت GMT +3. الساعة الآن 09:58 AM.


Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
جميع المواضيع والمشاركات المطروحة تعبر عن وجهة نظر كاتبها ولا تعبر بالضرورة عن رأي إدارة الموقع
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59