#1  
قديم 02-20-2017, 07:48 AM
الصورة الرمزية صابرة
صابرة غير متواجد حالياً
متميز وأصيل
 
تاريخ التسجيل: Apr 2015
المشاركات: 8,880
افتراضي نفحات ومواقف


ناس بيحوشوا كل سنة عشان يطلعوا رحلة في آخر السنة مكلفة شوية مع الولاد
بعد ما حوشوا المبلغ عرفوا ان فيه ناس في عيلتهم حالتهم صعبة شوية نتيجة ظروف طارئة و فقدوا مسكنهم و مورد رزقهم
ادولهم الفلوس كلها و فعلا الناس قدروا يوفروا سكن و يكملوا عيشتهم من غير سؤال او احتياج لحد
اتنين على وش جواز ماكانش فاضل غير مصاريف الفرح
كانت تعجيزية بالنسبة لهم
بس قعدوا يوفروا و يجيبوا وسايط لحد ما قدروا يجمعوا مبلغ فرح يعتبر محترم
و هما رايحين على القاعة الفخمة عشان يحجزوا و معاهم الفلوس
العروسة قالت للعريس انها مش مرتاحة
و العريس باصلها و قالها و لا انا خالص
اتصل فساعتها بواحد معرفة ماكانش يحلم يتجوز و لا بعد خمس سنين
و قاله يحدد معاد مع اهل عروسته و هو هيروح معاه
و ادولهم فلوس الفرح كلها
الفلوس دي جوزت الراجل من مجاميعه و عمل فرح كمان و فستان العروسة كان نفس فستان العروسة اللي ماعملتش فرح
واحدة ست مطلقة و معاها اربع عيال هي اللي بتصرف عليهم
بتجمع لهم كل شهر احتياجاتهم بالعافية
بتحاول تحسسهم انهم مش ناقصهم حاجة
جالها فلوس مفاجأة كدة علاوة على سلفة قديمة
قررت تشتري لولادها لبس جديد و شوية حاجات كان نفسهم فيها
عرفت ان صاحبتها عليها دين و لازم تدفع و الا هيحصلها مشكلة
اديتها فلوس العلاوة دي كلها
و ماقالتش حاجة لولادها
و فعلا صاحبتها زنقتها اتفكت
البوست ده مش عن " و يؤثرون على أنفسهم و لو كان بهم خصاصة"
البوست ده عن "
مَّن ذَا الَّذِي يُقْرِضُ اللّهَ قَرْضاً حَسَناً فَيُضَاعِفَهُ لَهُ أَضْعَافاً كَثِيرَةً وَاللّهُ يَقْبِضُ وَيَبْسُطُ وَإِلَيْهِ تُرْجَعُونَ} [سورة البقرة: 2
الأضعاف الكثيرة المذكورة في الآية في الدنيا قبل الآخرة
القصص اللي فاتت دي:
*العيلة كل فرد فيها سافر في حتة ماكانش يحلم بيها بطرق مختلفة(مش كلهم فنفس السنة)
فيه منهم رحلة كانت منحة دراسة و بعدها شغل
حتى الام اللي مالهاش في الشغل و السفريات جاتلها عمرة من السما
*الاتنين اللي ماعملوش فرح جالهم فرصة العمر
و تاني سنة احتفلوا بعيد جوازهم و هما لابسين لبس الفرح و كان من أفخم ما يكون و العروسة كانت حامل بس الفستان جه عليها برده
البنت بتقول ان اهلها كانوا هيرفضوا العريس لأن ماكانش له مستقبل
عايشين دلوقتي في مستوى ماكانش ييجي في خيال أغنى واحد في عيلتها
الست المطلقة دي ربنا فتح عليها
و اصلح امرها و بدل لها زوجها
مش براجل تاني
بس نفس الزوج حاله اتبدل
و رجعلها
و من ساعة اليوم ده ما حملتش هم مصاريف عيالها و لا مرة واحدة
ده غير الفتح العظيم في حياة كل واحد فيهم
لو نفهم بس "يؤثرون على أنفسهم"
يعني الحاجة تكون محتاجها
و تتاجر مع الله
فيحق عليك قوله
أولئك هم المفلحون
في الدنيا و الآخرة
عمرك ما هتقرض الله قرضا حسنا و هو الغني
الا و يضاعفه لك و هو الكريم
ده احسن من فايدة البنوك
و عمره ما بيخسر
الربا الوحيد الحلال
هو ربا فلوسك اللي بتقدمها لله عز و جل
هتاخدها أضعاف مضاعفة
اوعى تفتكر ان ربنا هيسيبك تحرم نفسك من غير جزاء
الحرمان هيتقلب لجزيل عطاء
لو قعدت عمرك كله تشتغل و تجتهد مش هتقدر تجيبه
لأنه بيدخل فيه حاجات مش في ايدين البشر
زي حب الناس و الستر و البركة و الفتح المبين في كل الامور
سيبك من اي تجارة و تاجر مع الله
ادي الفلوس عشان تزيد
مهما كنت محتاج
ده الرسول عليه الصلاة و السلام حلف
و قوله مصدق ووعده لا يُخلف
"و الذي نفسي بيده ما نقص مالٍ من صدقة"
يعني كل الحكاية انك بتزود رزقك و بتضمن مستقبل عيالك
الناس دي رزقها كدة كدة كان هيوصلها
بس ربنا اختارك عشان يكرمك
احنا في ايام
محتاجين نفكر في معاني الآيات دي
عشان ربنا يباركلنا و مايحوجناش
و يغنينا بفضله عمن سواه
القصص كلها حقيقية
#نفحات
#مما_تحبون
#تطفئ_غضب_الرب
#مريم_هاشم_رشوان

1.gif

المصدر: ملتقى شذرات

__________________
" يا الله أنتَ قوتي وثباتي وأنا غصنٌ هَزيل "
رد مع اقتباس
إضافة رد

العلامات المرجعية

الكلمات الدلالية (Tags)
ومواقف, نفحات


يتصفح الموضوع حالياً : 1 (0 عضو و 1 ضيف)
 
أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة


المواضيع المتشابهه للموضوع نفحات ومواقف
الموضوع كاتب الموضوع المنتدى مشاركات آخر مشاركة
نفحات من فيض القيم صابرة الملتقى العام 0 02-16-2016 08:31 AM
نفحات إيمانية... صباح الورد نثار الحرف 325 01-04-2015 01:21 PM
نفحات ***** زهير شيخ تراب الشاعر زهير شيخ تراب 0 08-06-2014 09:20 AM
نفحات الإيمان جاسم داود شذرات إسلامية 0 09-21-2012 11:27 AM
قادة ومواقف .. في دولة السلاجقة Eng.Jordan شذرات إسلامية 0 04-20-2012 09:09 PM

   
|
 
 

  sitemap 

 


جميع الأوقات بتوقيت GMT +3. الساعة الآن 04:39 PM.


Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
جميع المواضيع والمشاركات المطروحة تعبر عن وجهة نظر كاتبها ولا تعبر بالضرورة عن رأي إدارة الموقع
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59