قصة اليوم

اليوم

#صيدلى_بيحكى
بدأت شوية خلافات بينى وبين أخويا ع الميراث
هو كان عايز المبنى اللى فى المكان المميز واخد انا الارض الزراعية المتطرفة بصفته الآخ الآكبر وهو اللى يختار "" صراحة الشيطان وسوسلى اقف فى وش اخويا وبعد شوية تفكير لقيت ان الوالد الله يرحمه ما قصرش فينا وسمعته بين الناس كانت كويسة جدا فقررت انى اضحى واحتسب تضحيتى لوجه الله واقبل تقسيمة اخويا واهو احافظ على سمعة الوالد وما خسرش اخويا
سافرت 5 سنين وسيبت الارض ما فكرتش حتى ابيعها لانها هتجيب ملاليم مش مستاهله
رجعت بعد ال 5 سنين لقيت الارض دخلت كوردون مبانى والطريق اللى بتبص عليه اتسفلت وبقى طريق رئيسى وبعد ما كنت الارض بتجيب ملاليم بقت بتجيب ملايين بعت جزء منها سترنى جدا جدا جدا لدرجه انى لغيت فكرة السفر تانى وفتحت صيدليه واستقريت والاهم من ده كله انى ما خسرتش اخويا ولسه ولادى ليهم عم كبير بيحترموه ولسه ولاد اخويا مسميينى عمهم .
يقول صل الله عليه وسلم ( من ترك شيى لله عوضه الله خيرا منه )

المصدر: ملتقى شذرات