#1
|
||||
|
||||
حط حالك ع الصامت
حط حالك ع الصامت 😷😷😷😷😷😷😷 لما تزور انسان مريض عم يتمنى الموت بكل ثانيه من شدة الألم و انت مبسوط و فرحان و ماعندك علّه.. فحطّ حالك ع الصامت لما ابنك يتخرج من الجامعه وابن جيرانك يلي بعمره استشهد فحس بغيرك و لا تنشر خبر نجاحه ع جميع مواقع النت و حطّ حالك ع الصامت لما تولد بنتك و تجبلك حفيد حلو ولذيذ.. خبّي فرحتك بقلبك ولا تصيري وكالة ناسا و حسيّ بيلي فقدت جنينها أو ما أراد رب العباد انها تنجب و حطيّ نفسك ع الصامت لما يكون عندك جمعه ظريفه و تطبخي أكلات طيبة مو ضروري تصوريها وتنشريها ع الفيس بوك وتحرقي قلب العالم يلي مشتهيه تاكل الاكل و مشتهيه اللّمه و الجمعه و تنطرقي هديك العين حطّي نفسك ع الصامت لما بيجيكي ابن الحلال و يكتب كتابه عليكي مو ضروري تصوري المحابس وتحطي اصبعتك واصبعته وامة لا إله إلا الله تعرف من ع الفيس و تلت أرباع البنات يحترق قلبها على هالشوفه ومن بعدها العريس فجأه بيكرهك و بيطرقك يمين طلاق وساعتها يا حسره و يا ندامه... حطّي حالك ع الصامت لما بتزوري الحرمين و بتنزل دمعتك من جلال و جمال و رهبة المكان مو ضروري تفقسي حالك كم صوره و تنزلي خمسين ألف بوست ع الفيس بوك وانتي على اخر طرز واقفه جنب الكعبه المشرفه أو تحت القبّة الخضرا وتعالوا شوفوني ما أحلاني و أنا صاحبة دين.. و من قلب الدنيا ما عاد تقدري تمسكي قرآنك و لا تقرأي أورادك و غمامة سودا على قلبك و يا حيف و يا ندم... حطّي حالك ع الصامت لما الله يكرمك و تطلع سياحه لشي بلد والناس هلأ عم تموت مو ضروري تطق صور بكل معلم سياحي من معالم البلد وعلى بوستات يمين وشمال و يلي ما دري يعرف.. خلّيك ع الصامت نصيحه مني إلكم بهالايام الصعبة بتفرح خلّيك ع الصامت بتزعل خلّيك خليك ع الصامت بتسافر.. بتتزوج...بتطلق.. بتمرض.. بتاكل.. بتشرب.. بتشتري سياره جديده.. !!!!! خليك ع الصامت هاد غير انه حرام و ما بيجوز و العين بتاخد حقها من الحجر.. كمان الناس كلها مخنوقة و ما عندها للفرح مطرح وما عاد عندها استعداد تسمع قصصك ومغامراتك لذلك.. خلّيك ع الصامت افرح مع ربك و ازعل مع ربك وبكل أحوالك مع ربك.. وحده الضارّ النافع.. و ما بيقدر اي شخص يغيّر شيء في ملك الله إلا بإرادة الله عز وجل. المصدر: ملتقى شذرات
__________________
" يا الله أنتَ قوتي وثباتي وأنا غصنٌ هَزيل " |
العلامات المرجعية |
الكلمات الدلالية (Tags) |
السامة, حالك |
يتصفح الموضوع حالياً : 1 (0 عضو و 1 ضيف) | |
أدوات الموضوع | |
|
|
المواضيع المتشابهه للموضوع حط حالك ع الصامت | ||||
الموضوع | كاتب الموضوع | المنتدى | مشاركات | آخر مشاركة |
العقوق الصامت! | صابرة | الملتقى العام | 0 | 05-10-2016 07:59 AM |
الواعظ الصامت... | صباح الورد | الملتقى العام | 2 | 10-12-2012 07:40 AM |
بن أليعازر: أخشى أن يتحول فجر مصرالجديد إلى ظلام حالك في إسرائيل | Eng.Jordan | أخبار الكيان الصهيوني | 0 | 05-26-2012 12:05 PM |
ورحل رجل يوليـو الصامت | يقيني بالله يقيني | مقالات وتحليلات مختارة | 1 | 05-16-2012 04:26 PM |
العمل التنصيري الصامت | Eng.Jordan | شذرات إسلامية | 0 | 04-19-2012 09:25 PM |