هو أنا مش محجبة ليه؟

محجبة , ليه؟

حوار فتاة مع والدتها:
هو أنا مش محجبة ليه؟
- انت لسه صغيرة
بس أنا الحمدلله بلغت خلاص
- لما تتجوزي
هو الحجاب مفروض على المتجوزات؟
- انت شابة عيشى سنك ولما تكبرى اتحجبي
بس المفروض والصح اني اتحجب ..صح؟
- ماتوجعيش دماغي انتي لسه صغيرة
بس انا قرأت آيات فيها امر الحجاب وإن المفروض اذا قضى الله ورسوله أمر ،إننا ننفذ مادمنا نستطيع ، أنا عايزة اتحجب
- ماقلنا لما تكبرى

خلاص انا قلت لك اني عايزة اتحجب وانتي الي رافضة ، اتحملي انتي بقي الوزر
هروح انام
-----------
بتفكر تاني :
يعني ايه لما اكبر ..انا اصلا كبرت خلاص ... وبعدين يعني ايه لما اتجوز ..افرضي جه الموت فجأة ومت قبلها على اصراري على المعصية دي؟
هو أنا ليه مش محجبة؟ يعني هي ماما هتشيل وزري ولا كل واحد بيشيل وزره؟
بس انا لما بطلب لبس معين وبصر عليه بييجي لي ...ليه بقي انا مش بتحمل مسؤليتي واجيب لبس محجبات ؟؟
ليه لما انا عارفة ان الصح اني اطيع الله واتحجب ..ليه بسكت وبطنش وببعد الفكرة عن دماغي ؟ انا المفروض لما اعرف الصح ايه اعمله .. كل واحد مسئول وهيتحاسب

...
أنا قررت اتحجب
---------------------------
---------------------------
وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ ۗ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالًا مُّبِينًا (36)
سورة الأحزاب
-------------------------------

( يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَحِيمًا(59) ﴾.
سورة الأحزاب.
---------------------------
( وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ ( 31 ) )

المصدر: ملتقى شذرات