تذكرني !

 





الملتقى العام مواضيع عامة

تجــــربة الـشـــراء من مــوقـع amazon

تجــــربة الـشـــراء من مــوقـع AMAZON بسم الله الرحمن الرحيم بما ان فيه ناس كتير بدأت تسأل عن طريقة الشراء من موقع أمازون مع بدء انتشار ثقافة

إضافة رد
 
أدوات الموضوع
  #1  
قديم 09-29-2015, 02:13 PM
الصورة الرمزية Eng.Jordan
Eng.Jordan غير متواجد حالياً
إدارة الموقع
 
تاريخ التسجيل: Jan 2012
الدولة: الأردن
المشاركات: 20,461
افتراضي تجــــربة الـشـــراء من مــوقـع amazon


تجــــربة الـشـــراء من مــوقـع AMAZON

Ahmed Salah AlDin

  • بسم الله الرحمن الرحيم

بما ان فيه ناس كتير بدأت تسأل عن طريقة الشراء من موقع أمازونمع بدء انتشار ثقافة الشراء اونلاين من الخارج ، فـ ان شاء الله دا هيكون شرح وافي لطريقة الشراء علماُ بأن دي المره الأولي اللي أشتري فيها حاجه أونلاين من الخارج عن طريق الكارت الالكتروني ، مع العلم ايضاً اني لسه معنديش كل الخبرة الكاملة ولكن قريت كتير عن تجارب الشراء والشحن لحد مـا قدرت أكون الافكار اللي أنا محتاجها، يعني ماتعتمدش علي مجرد تجربه أو تقرير ، أعمل بحث واتصفح هتلاقي اللي أنت محتاجه، والهدف طبعاً اني اشتري مُنتج كويس وبسعر مناسب ، بعيداً عن استغلال التجار والمبالغة في الأسعار وايضاً بعيداً عن ردائة الخامات وقلة المُنتجات.
ماهو موقع amazon ؟
هو موقع مختص في التجارة عن طريق الانترنت و يعد حاليا من اكبر الشركات المختصة في هذا المجال علي الأنترنت حيث ان اردت الحصول على اي منتج كان سوف تجده لدى امازون حيث يشتري الالاف من مستخدمي الانترنت في العالم يوميا من خلاله الشيء الذي يجعل منه الاكثر شهرة و مصداقية عن غيره.
طبعاً في البدايه لأي تعاملات مالية عن طريق الأنترنت سواء الشراء او التحويلات لابد من اصدار بطاقة الكترونية الـ VISA أو بطاقة الـ Master Card
بعد بحث كبير استقريت علي بطاقة الـ VISA المدفوعه مقدماً للانترنت من بنك كريدي اجريكول.
بتروح البنك وبتاخد البطاقة الشخصية، وفي ساعتها وأنت موجود بيتم إصدار البطاقة الألكترونية وبتستلمها في نفس اليوم وتكلفتها 60 جنيه فقط ، ومن مميزاتها أنك بتقدر تعمل سحب وإيداع في أي وقت عن طريق ماكينات الصراف الآلي التابعة لهم، وبيبعتولك رسالة SMS على موبايلك بعد أي عملية نقدية بتتم.
لمزيد من المعلومات عن البطاقة الالكترونية المدفوعة مقدماً اضغط علي الرابط التالي:
http://www.ca-egypt.com/Arabic/PersonalBanking/Product.aspx?ID=MTQy
طريقة الشحن :
الخطوة التالية وهي طريقة الشحن وشركة الشحن التي سوف تُرسل لي المنتجات ودي خطوة مهمه جداً، لأن دي اللي هتستقبل شحناتك وتوصلهالك سواء من أمريكا أو من بعض الدول اللي هيكون ليك عنوايين عليها تابعة للشركة، بناءاً علي تجربتي فـ انا بفضل الشحن عن طريق شركة Aramex خدمة شوب أندب شيب، أرامكس هتديك 13 عنوان في 13 دوله تقدر تشحن عليهم خدمتهم كويسه جداً وبيحترموا العميل. مجرد لما الشحنه بتجيلهم من موقع amazon في ساعتها بيسجلوها وتاني يوم يشحنوهالك علي مصر في ظرف من 3 – 6 أيام عمل.
تجــــربة الـشـــراء مــوقـع amazon maxresdefault-300x169.jpg
قيمة الشحن:
طريقة حساب قيمة الشحن بالوزن ، ارامكس بتاخد علي أول نص كيلو 12 دولار وأي نص كيلو زياده بـ 9 دولار، والجمارك هما بيخلصوها وبيدفعوها وبيجبولك فاتوره مرفق بيها مُستحقات الجمارك مع تكلفة الشحن وبتدفع الاجمالي وبتستلم شحنتك من مندوب ارامكس اللي بيجيلك لحد البيت.
وبالنسبة للجمارك مرفق في الصورة الأتيه قيمة التعريفه الجُمركية واللي بناءاً عليها بتُقدر قيمة الجمرك علي المنتج اللي انت هتشتريه:
تجــــربة الـشـــراء مــوقـع amazon 10858365_737822686294518_425558743611020399_n-300x218.jpgتجــــربة الـشـــراء مــوقـع amazon 10418487_737819529628167_5554602947311119678_n-300x191.jpg
عشان تعمل اكونت ويكون ليك حساب في أرامكس بتدفع 45 دولار، بس هما دلوقتي عاملين عرض ساري لفتره محدوده بتفتح الحساب عندهم بـ 5 دولار بس بعد لما بتدخل الرمز دا USD5OFFER
بعد الاشتراك الاكونت بيتفعل في يوم أو يومين وبيبعتولك علي البريد الالكتروني الخاص بيك عنوايين المكاتب اللي هيستقبلوا فيها شحناتك وهيبعتولك الكود الخاص بيك.
ودا لينك الاشتراك في موقع أرامكس:
http://www.shopandship.com/ar/signup
دي كانت بعض المُنتجات اللي انا أشتريتها نظراً لجودتها العالية وسعرها الُمناسب مقارنتاً بالاسعار هنا في مصر ومش بس نقطة الاسعار بس ، ايضاً الفرق في الجودة والخامات.

تجــــربة الـشـــراء مــوقـع amazon 10968218_951374618208958_4663749330199745849_n-225x300.jpg
تجــــربة الـشـــراء مــوقـع amazon 10835112_951374754875611_6067747058922677320_o-300x169.jpg

نقطه مهمه جداً عشان محدش يقع فيها، لما بتشتري حاجه من موقع أمازون كل منتج بيوصل منفرد لوحده تماماً الا في بعض الأوقات ممكن يجمعهالك في شحنه واحده وهي ان تكون موقع
الامازون نفسه هو اللي بيبع المنتج ويكون المُنتج تحت خدمة Amazon Prime وليس عن طريق تاجر وفي الحالة دي هيظهرلك في بيانات المُنتج Ships from and sold by Amazon.com
اما لو عن طريق تاجر في امازون علي سبيل المثال بيتكتب Sold by Bike A Mile andFulfilled by Amazon
هنا المُنتج بيوصل مُنفصل لأنه بيطلع من مخزن اخر ثم يتم ارسالة علي عنوانك علاطول.
تجــــربة الـشـــراء مــوقـع amazon amazonrup-300x189.gif

خدمة الـ amazon Prime

س: ماهي خدمة امازون برايم (Amazon Prime)؟
هي خدمة مقدمة من امازون تعطي المشترك بها المميزات التالية:
  • توصيل مجاني للمشتريات خلال يومين (للسلع التي تدخل تحت هذه الخدمة )
  • توصيل خلال يوم واحد مقابل 3.99 دولار
  • مشاهدة فيديوات (online) مجانا
  • كتب مجانيه خاصة بجهاز الكندلس: كم قيمة الاشتراك فى هذه الخدمة ؟الاشتراك قيمته 99 دولار سنوي ، ولكن يمكنك الاشتراك لمدة شهر مجانا وتجربة الخدمة ، مع الانتباه ان الخدمة تتجدد تلقائي بعد انتهاء الشهر وساشرح في هذه المقاله طريقة الاشتراك مجانا والغاء التفعيل السنوي.س: الاشتراك غالي فهل هناك حلول اخري؟نعم يسمح لك ان تضيف عدد 4 اشخاص من اقرباؤك للتمتع بالخدمة ولهذا فانت تستطيع ان تشرك معك اربع مشتركين آخرين وتقسم قيمة الاشتراك بينكم ليصبح الاشتراك تقريبا 25 دولار للشخص الواحد ، اجعل من يريد ان يشترك معك ان يدفع لك الاشتراك ب الباي بال او بتحويل بنكي ، علما ان المشتركين معك لن يؤثروا على حسابك اطلاقا وكل مشترك سيتمتع بالخدمة بشكل منعزل عن الاخر
    س: كيف اعرف ان السلعه تدخل فى سلع البرايم ؟
    ستجد شعار البرايم موجود بجانب الخدمة كما في الصوره التاليه:
    تجــــربة الـشـــراء مــوقـع amazon amazon-prime-hero-380-80-300x167.jpg
تنبيه مهم جداً عند شرائك أكتر من منتج من علي أمازون ووصلوا منفردين علي عنوانك في أرامكس، أرامكس مش بتجمع الشحنات ! ساعتها كل حاجه هتتشحن لوحدها وهيكون ليها تكلفة شحن لوحدها .

طبعاً لما تكون المنتجات كلها في شحنه واحده في صندوق واحد دا هيوفر عليك تكاليف شحن كتير غير لما تشحن كل حاجه لوحدها ، لأنهم عندهم الحد الادني في التكلفه نص كيلو، يعني لو حاجه وزنها 100 جرام أرامكس هتحاسبك عليها اكنها نص كيلو ، الا باستثناء لو أمازون جمعتلك منتجاتك في صندوق واحد و في الحاله دي الصندوق بيوصل أرامكس وبيحاسبك علي وزنها الاجمالي بتكلفه واحده.
انا علشان أوفر علي نفسي لأني هشتري أكتر من منتج وهحتاج أنهم يكونوا في شحنه واحد، فتحت حساب سنوي في شركة لتجميع الشحنات اسمها Shipsterusa.
لما بتشترك بيدوك العنوان الخاص بيك اللي هيستلموا فيه الشحنات اللي هتجيلهم من أمازون ، وبعد لما اشتريت اللي انا محتاجه خليتهم يجمعولي الشحنه في صندوق واحد وبيشحنوها عن طريق فيديكس للعنوان الخاص بي في أرامكس نيورك في ظرف يومين ، ثم أرامكس بتستلم الشحنه الخاصه بيك وفوراً يشحنوها علي عنوانك في مصر، وزي ماقولنا هنستخدم التجميع في حالة لو اننا هنشتري كذه منتج ، شركة التجميع بتاخد تكلفة التجميع 12 دولار تقريباً مقابل 1 كيلو وهي شركة مُحترمة جداً في التعامل وفي تجميع وتقفيل المُنتجات.
الشركة لديها نوعين من الاشتراكات

Basic Membership

Premium Membership

شرح مميزات كل نوع موضحه بالجدول التالي:

تجــــربة الـشـــراء مــوقـع amazon 2-27-2014-11-13-35-AM-300x183.jpg

كما تلاحظون ان الفرق بين النوعين ليس كبيرا ونصيحتي هي الاشتراك بداية فى الاشتراك البيسك ( الرخيص ) ثم اذا اردت الترقية فيمكنك ذلك فى اي وقت .

  • للحصول على خصم 25% من قيمة اشتراك البيسك استخدم الكود التالي: ArabshopBasic
  • للحصول على خصم 50% من قيمة اشتراك البريميوم استخدم الكود التالي: ArabshopPremium
ودا لينك الاشتراك في شركة التجميع
https://shipsterusa.com/benefits-shi...ter-comparison
دا لينك فيه معلومات اكتر عن شركات التجميع والارخص وكيفية التجميع
http://www.3souq.com/archives/1110
ايضاً فيه موقع بريطاني تاني متخصص في الدراجات واكسسورات الدراجات والادوات الرياضيه عامتاً اسمه Wiggle وعندهم منتجات كويسه بااسعار كويسه ولو اشتريت منهم كذه منتج بيجمعولك منتجاتك وبيشحنوها في صندوق واحد علي عنوانك في أرامكس، بدون ماتحتاج لـ شركة تجميع أو تدفع تكلفة تجميع.
ودا لينك الموقع: http://www.wiggle.co.uk/

انا قبل ما أشتري أي حاجه عملت مقارنه بسعر الحاجه هنا وسعر الحاجه اللي هجيبها من بره وللاسف سعر الحاجه اللي موجوده هنا كان الضعف، وحتي بعد لما دفعت قيمة التجميع والشحن والجمارك، الاجمالي كل اللي دفعته أقل من اني لو كنت اشتري الحاجه دي من هنا مع العلم ان فيه حاجات مش موجوده.
بالنسبه للي ممكن يسأل هل ينفع استخدم كارت الدفع الالكتروني في PayPal فهو ممكن فعلاً
بعد لما بتستلم البطاقه ويكون ليك حساب في البنك بتربط حسابك بـ أكونت Paypal مجاناً، الـ Paypal مهمته انه بيكون ضامن ليك في أي معامله ماليه عن طريق الأنترنت بالتالى عند قيامك بأى عملية شراء، يتم السحب من بطاقتك بعد تأكيد ذلك من قبلك من خلال لوحة تحكم ال PayPal، و بكده بتضمن أمان أكتر في كل عمليه بتتم. ودا لينك الموقع بتدخل وتعمل اكونت عليه عادي جداُ.
https://www.paypal.com/eg/***apps/mpp/ahlan
اخيراً الموقع دا انا استفدت منه كتير ياشباب ونصيحه قبل ماتشتري اي حاجه زود نفسك بالمعلومات الكافيه وشوف تجارب الشراء اللي موجوده عليه وابداً وماتخافش وماتقلقش من اي حاجه




منقوووووووووووووووووووووووووول للإستفادة

المصدر: ملتقى شذرات


j[JJJJvfm hgJaJJJvhx lk lJJ,rJu amazon

__________________
رد مع اقتباس
إضافة رد
إضافة رد

العلامات المرجعية

الكلمات الدلالية (Tags)
amazon, مــوقـع, الـشـــراء, تجــــربة

« نصيحة بمناسبة بدأ العام الدراسي | تجربتي مع خدمة shop and ship من أرامكس »

يتصفح الموضوع حالياً : 1 (0 عضو و 1 ضيف)
 
أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة


 

 

 
 

 

 
     
 

  sitemap  forummap

 


جميع الأوقات بتوقيت GMT +3. الساعة الآن 03:19 PM.

الاستايل الأصلي من تصميم استضافة لمسات


Powered by vBulletin® Version 3.8.7
Copyright ©2000 - 2017, Jelsoft Enterprises Ltd.
Adsense Management by Losha
جميع المواضيع والمشاركات المطروحة تعبر عن وجهة نظر كاتبها ولا تعبر بالضرورة عن رأي إدارة الموقع
جميع الحقوق محفوظة لـ موقع شذرات
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68