تذكرني !

 





أخبار ومختارات أدبية اختياراتك تعكس ذوقك ومشاعرك ..شاركنا جمال اللغة والأدب والعربي والعالمي

آدي مصر

آدي مصر أحمد فؤاد نجم :Egypt::Egypt: "مصر السمار والعمار وابن إياس والجبرتي وبدايع الزهور وعجايب الآثار وحواديت الشاطر حسن وأمنا الغولة… مصر الطحين والفلاحين والبنايين والسقايين والصيادين والمنشدين والصنايعيه

إضافة رد
 
أدوات الموضوع
  #1  
قديم 05-20-2012, 01:24 AM
الصورة الرمزية يقيني بالله يقيني
يقيني بالله يقيني غير متواجد حالياً
متميز وأصيل
 
تاريخ التسجيل: Jan 2012
الدولة: جمهورية مصر العربية
المشاركات: 4,854
افتراضي آدي مصر

[frame="1 75"]
81.gif


آدي مصر
أحمد فؤاد نجم
Egypt.gifEgypt.gif


"مصر السمار والعمار
وابن إياس والجبرتي
وبدايع الزهور
وعجايب الآثار
وحواديت الشاطر حسن
وأمنا الغولة…
مصر الطحين والفلاحين والبنايين والسقايين
والصيادين والمنشدين
والصنايعيه
مصر النخيل والنيل والصبر في المواويل والملاغيه
مصر السمار والعمار
وابن إياس والجبرتي
وعجايب الآثار
وحواديت الشاطر حسن وامنا الغوله
وسكة السلامه
وسكة الندامه
وسكة اللى يروح ما يرجعشي
وتعالى يا شاطر نروح القناطر
والبيض الملون وشم النسيم
ومصر النديم
وهوجه عرابي وحرب الطوابي
في وجه الخديوي عميل لنجليز
ومصر الملانه وحب العزيز
مصر الكنايس ومصر الجوامع
مصر المزارع ومصر المصانع
وخان الخليلي
ودرب الغوازي وسيدنا الحسين
وفرعون وموسى وبركه قارون
مصر العديد والسكه الحديد
ومصطفى كامل ومحمد فريد
مصر الموالد وشيلاه يا طاهره
يا ست ام هاشم
يا جبر الخواطر
يا ماري يا جرجس
يا سيدي ابراهيم
تناولوا اللي عايز
وتشفوا السقيم
مدد ثم نظره
في قلب المقام
ونخرج قوام
ونلعب يا حاوي
الطبيب المداوي
وأبو رجل مسلوخه
والست اللي كلت دراع جوزها
في جنينه الحيوانات
الكلب أبو سنان دهب
وسبحان من وهب
مصر الكتاتب والمدارس
والتلامذه والثوره والأناشيد
السجن والسجان
والعشاق المعاميد
مصر "الولاد السمر
خضر العمر
في عموم الحوار"
"مصر البنات المخطوبين
في المهد لسرير الجواري"
مصر الصيام والسحور
مصر السواحل والبحور
مصر المظالم والبلاوي
والباش اغا التركي
وأدهم الشرقاوي
مصر الحديثة ورفاعه رافع الطهطاوي
مصر العلوم والفراعنه
والطب والتنجيم
مصر محمد علي الفاتح
وابنه ابراهيم العظيم
مصر الجناينيه والشيالين
وبياعين العرقسوس واللمون البنزهير
وخير اللهم اجعله خير
مصر الحضر والريف
وأزهر العلم الشريف
وسليمان الحلبي
وجمال الدين الأفغاني
والإمام محمد عبده نعم الإمام
عليه البراوه وعليه السلام
مصر الصعايده والرشايه والبحاروه
والسواحليه
مصر النهود الشهود
والرموش السود
والقدود المعجبانيه
مصر الغيطان
وجمال حمدان
وطه حسين ولويس عوض والعقاد
وفؤاد حداد
ونجيب محفوظ
وصلاح جاهين
والبيانولا
وعم بيرم والبراقع واللبده والجلابيه
مصر النجوع والكفور والبلاد
وطلعت باشا حرب زعيم لا قتصاد
مصر الفنون اللي جاءت
وفاقت جميع الظنون
مراسح وسما ونغم وروايات
الشيخ سيد درويش البحر
وبديع الزمان ابن خيري
وعبده الحامولي وسلامة حجازي
ونجيب الريحاني
وعبد الوهاب حبيب الحكومه والست ثومه
أميره بلاد العرب في الطرب والآهات
ومصر اللي كانت ومصر اللي جات
مصر المداين والزقاق
مصر المشلتت والرقاق
ومختار زمانه ونهضه بهيه
اللي هي الحكايه وهي القضيه
ما تقدرش ترصد جميع المعالم
ما تقدرش تفهم جميع اللغات
خلاصه الكلام انا مستهام ومغرم صبابه
وميت غرام وسهران تملي ومش عايز أنام
و كل انشغالي في جوف الليالي
بادور عليه في عالم زحام .
ــــــــــــــــــــــــــــ
راق لي
دمتم بخير



[/frame]
المصدر: ملتقى شذرات


N]d lwv

__________________


رد مع اقتباس
  #2  
قديم 05-27-2012, 01:40 PM
الصورة الرمزية تمام
تمام غير متواجد حالياً
عضو مميز
 
تاريخ التسجيل: Mar 2012
المشاركات: 212
افتراضي

بالفعل ... مصر أم الدنيا
الله يحفظها ويرعاها وكافة بلاد المسلمين
رد مع اقتباس
  #3  
قديم 05-31-2012, 11:14 PM
الصورة الرمزية يقيني بالله يقيني
يقيني بالله يقيني غير متواجد حالياً
متميز وأصيل
 
تاريخ التسجيل: Jan 2012
الدولة: جمهورية مصر العربية
المشاركات: 4,854
افتراضي

اقتباس:
المشاركة الأصلية كتبت بواسطة تمام مشاهدة المشاركة
بالفعل ... مصر أم الدنيا


الله يحفظها ويرعاها وكافة بلاد المسلمين


اللهم آمين
أختي الكريمة تمام
شكرًا لطيب المرور
خالص تقديري
وكل الود
__________________


رد مع اقتباس
إضافة رد
إضافة رد

العلامات المرجعية

« أيها المارون بين الكلمات العابرة... | بلا كلمات »

يتصفح الموضوع حالياً : 1 (0 عضو و 1 ضيف)
 
أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة


 

 

 
 

 

 
     
 

  sitemap  forummap

 


جميع الأوقات بتوقيت GMT +3. الساعة الآن 10:15 PM.

الاستايل الأصلي من تصميم استضافة لمسات


Powered by vBulletin® Version 3.8.7
Copyright ©2000 - 2017, Jelsoft Enterprises Ltd.
Adsense Management by Losha
جميع المواضيع والمشاركات المطروحة تعبر عن وجهة نظر كاتبها ولا تعبر بالضرورة عن رأي إدارة الموقع
جميع الحقوق محفوظة لـ موقع شذرات
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68