#1  
قديم 03-12-2012, 08:21 PM
إيمان معاذ غير متواجد حالياً
كاتب وأديب قدير
 
تاريخ التسجيل: Feb 2012
الدولة: القاهرة ـ المعادى
المشاركات: 9
افتراضي مجنونة


مجــنونة
**********
عصفورة .. روحا الطيران
مبهورة .. بكون الرحمن
وبتعشق خلقه .. وحكاويهم
وبترفض قهر الإنسان
وان كان فرعون السّجان
ومسلط حُرّاسه .. عليهم
ف ودانه بتنشد غناويهم
وتقول الحق اللى كاويهم
***
مجنونة .. وقالتها عينيهم
ولا مرة جريئ فكر فيهم
بلسانه يفسر ويقولها

علشان أحوالهم .. أحوالها
وعشان الدنيا ف موالها ..
أبسط بكتير
من جمع وطرح .. ومعايير
من أصل وفصل ومحازيير
لف .. ودوران

الدنيا .. فى عيونها ببان
كلها مفتوحه ومسموحه ..
لدخول إنسان
مايكونش جبان
يهوى الطيران .. فوق البركان
***
لا النار .. بتسخَّن نِسمتها
ولا حتى طوفان بيهددها
الدنيا مكانها .. وسعادتها ..
لازم تتصان

مجنونة .. طبعا مجنونة
مفتونة .. بعِشق الحُرية
وبحق الروح البشرية
وبكل معانى الإحساس

تصرخ .. وتلم الحراس
وتدق جميع الأجراس
وبسن قلمها المتعاص ..
بدموع .. وأنين المساكين
تسأل حُراسها .. أنا مين ؟؟
أنا عاقلة .. وانتوا المجانين ؟؟
مجنونة .. وانتوا العاقلين ؟؟
ماتقولوا يا عالم .. أنا مين ؟؟

مجنونة .. وستين مجنونة
فاكره الأحلام المسكونة ..
فى ضمير أيامها .. بتتحقق
وكمان بتسدق .. أوهامها
وبترسم خِطة .. لأيامها
وكأن العالم قُدامها ..
لعبة أرقام
بإيديها تحدد .. وتقرر ..
مين الكسبان
ولا مرة بتظبط .. حساباتها

مجنونة و شايفه بأبعادها
أبعد من رؤية أسيادها
أبعد من كل المسافات

وعشان محسوبة الحسابات
هتعيش مجنونة .. ومسجونة
لو حتى الحراس أموات
لو حتى الحراس أموات
***


المصدر: ملتقى شذرات

__________________
أنا أمرأة .. لا أنحنى .. كى ألتقط ..
ماسقط من عينى .. ابدا
رد مع اقتباس
  #2  
قديم 03-13-2012, 09:06 AM
الصورة الرمزية صباح الورد
صباح الورد غير متواجد حالياً
متميز وأصيل
 
تاريخ التسجيل: Jan 2012
الدولة: في رحاب الله
المشاركات: 10,206
افتراضي

السلام عليكم
أختي الكريمة ايمان
كلمات رائعة تروي عن زمن أصبح فيه الطغيان
هو السائد بين البشر
تقبلي مروري
تقديري
دمتِ بخير
__________________
رد مع اقتباس
إضافة رد

العلامات المرجعية

الكلمات الدلالية (Tags)
مجنونة


يتصفح الموضوع حالياً : 1 (0 عضو و 1 ضيف)
 
أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة


المواضيع المتشابهه للموضوع مجنونة
الموضوع كاتب الموضوع المنتدى مشاركات آخر مشاركة
الى مجنونة زهير شيخ تراب الشاعر زهير شيخ تراب 1 08-21-2014 04:29 PM
الى مجنونة زهير شيخ تراب الشاعر زهير شيخ تراب 3 08-06-2014 08:12 AM
دعاية مجنونة يقيني بالله يقيني الملتقى العام 0 04-13-2012 09:47 AM

   
|
 
 

  sitemap 

 


جميع الأوقات بتوقيت GMT +3. الساعة الآن 07:30 PM.


Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
جميع المواضيع والمشاركات المطروحة تعبر عن وجهة نظر كاتبها ولا تعبر بالضرورة عن رأي إدارة الموقع
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59